Pak ditë më parë u bë publik në media lajmi se të gjithë personat që do vaksinoheshin, do të pajiseshin me një kartë indetifikuese. Në Britaninë e Madhe, vaksinat e para kundër COVID-19 kanë nisur të shpërndahen nëpër spitale.
Britanikëve do t’u dorëzohet një kartë vaksinimi e anti-Covid-it, e cila dëshmon se e kanë marrë vaksinën. Të gjithë pa përjashtim, duhet ta mbajnë me vete këtë dokument identifikimi. Karta në fjalë përmban hapësirë të detajuar për emrin e vaksinës, numrin e saj dhe datën kur është injektuar.
Kritikët kanë frikë se kartat janë një hap drejt pasaportës së imunitetit, që qeveria i ka mohuar se do t’i sjellë dhe ekziston shqetësimi në rritje që sapo ato të përhapen në bizneset e Britanisë së Madhe, mund t’i shohin si standard të ri.
Të tjerët kanë thënë se prova e kartave të vaksinimit, duket e lehtë për t’u falsifikuar pasi nuk kanë foto dhe detaje të tjera. Vaksina anti-Covid e Pfizer dhe BioNTech, u miratua në datën 2 dhjetor nga Agjencia Rregullatore e Barnave dhe Produkteve Shëndetësore (MHRA). Britania e Madhe bëhet kështu i pari vend në botë, që aprovon një vaksinë anti-COVID.
