Ish-ministri austriak i Financave, Karl-Heinz Grasser është vënë në pranga, pasi akuzohet për një skandal korrupsioni në nivele të larta. Ai u shpall fajtor për përvetësim, marrje rryshfteti dhe falsifikim të provave në një marrëveshje për të shitur mijëra apartamente të pronësisë publike.
Gjykata në Vjenë tha se Grasser ishte i përfshirë në afera korruptive që tejkalojnë 9 milionë euro. Por në lidhje me këto akuza, ish ministri i ka hedhur poshtë në mënyrë kategorike. Ai ka deklaruar se do ta apelonte vendimin.
Çështja përfshiu 14 të pandehur, që u përballën me një sërë akuzash, të cilat përfshinin pastrim parash, mashtrim dhe falsifikim të provave.
Gjykata tha se Grasser dhe një ndërmjetës kaluan informacionin në lidhje me një ofertë gjatë një skeme për të privatizuar 60.000 apartamente, që nga ana tjetër i mundësuan një rivali të paraqiste një ofertë pak më të lartë fituese.
