Nga: Mentor Kikia
Kush nga këta burra ka humbur zgjedhjet? Njëri nga këta burra ka fituar zgjedhjet dhe është President i SHBA-ve, tjetri ka humbur.
Por të dy duken të trishtuar…
Në 2008, senatori John McCain, u përball me disfatën në zgjedhjet historike që e bënë Barak Obamën Presidentin e parë afro-amerikan.
Në fjalimin e tij, McCain tha: “Pak minuta më parë, pata nderin të telefonoj senatorin Barak Obama për ta uruar. (vërshëllima mes mbështetësve) Ju lutem…
Për ta uruar që do të jetë Presidenti i ri i vendit, që të gjithë e duam. Në një garë të gjatë e të vështirë, suksesi i tij imponon respekt, për aftësinë dhe këmbënguljen.
U bëj thirrje amerikanëve që më mbështetën, të më bashkohen sot jo vetëm në urimin për të, por në ofrimin e vullnetit të mirë dhe përpjekjeve për të gjetur rrugët e përbashkëta me Presidentin e ri.
Për të gjetur kompromiset e nevojshme, e për të sheshuar dallimet, për rikthimin e prosperitetit të vendit, për garantimin e sigurisë sonë në një botë të rrezikshme e për t’u lënë fëmijëve dhe nipërve tanë një vend më të mirë nga ai që trashëguam ne”.
Mësoni o trutharë, politikanë shqiptarë!
Mësoni të festoni fitoren në mënyrë përulëse, dhe të pranoni humbjen në mënyrë dinjitoze.
Mësoni e kuptoni se Shqipëria është më e rëndësishme se karrigia e pushteti juaj.
Mësoni ta doni vendin dhe popullin tuaj.
