Kryetari i Partisë Agrare Ambientaliste, Agron Duka, është personazhi i radhës nga radhët e politikës, që është infektuar me COVID-19. Burimet bëjnë me dije se sapo ai ka marrë rezultatin e tamponit, është vetëkarantinuar në shtëpinë e tij. Deri më tani gjenda e tij shëndetësore paraqitet e mirë, dhe po mundohet që ta kalojë në shtëpi koronavirusin.
Zyra e shtypit e PPA-së ka përcjellë edhe një mesazh përmes Dukës, për respektimin e rregullave të vendosura nga Ministria e Shëndetësisë, për parandalimin e përhapjes së koronavirusit.
“Të respektojmë masat, të ruajmë veten dhe të tjerët! Ju falenderojmë për bashkëpunimin”, shkruan zyra e shtypit PAA.
