Ish-banorja e “Big Brother”, Franceska Jaçe, ka pësuar një aksident, por fatmirësisht ajo është jashtë rrezikut për jetën. Mjeti në të cilën udhëtonte është kthyer përmbys, por bukuroshja ka mundur që të dalë nga mjeti me lëndime të vogla.
Aksidenti ka ndodhur në rrethrrotullimin e Nartës në Vlorë, ndërsa mjeti është kthyer përmbys në mes të rrugës, raportojnë burimet për “Fax News”.
Shkak i aksidentit mësohet se ka qenë shpejtësia dhe mos njohja e terrenit, ndërkohë që blutë e Vlorës vijojnë hetimet në lidhje me aksidentin.
Ajo ka qenë e vetme në mjet, ndërsa burimet shtojnë se është transportuar drejt spitalit, ku do të marrë trajtim mjekësor.
