Presidenti Meta, në një dalje për mediat ka kërkuar nga qeveria që të marrë masa për COVID 19, teksa përsërit disa pika që opozita i ka përfshirë në planin e saj. Teksa shprehu shqetësimin për numrin në rritje të të prekurve dhe të atyre që kanë humbur jetën, Meta kërkoi marrjen e masave të menjëhershme. Ai tha se është me rëndësi që qytetarët të testohen, që të mbrojnë veten dhe familjarët.
“Jam shumë i shqetësuar për numrin e të prekurve dhe numrin e personave që kanë humbur jetën. Duhen marrë masa të menjëhershme, për të frenuar përhapjen masive të COVID.
Është e domosdoshme që qytetarët të testohen që të mbrojnë veten dhe familjarët. Të trajtohen me protokolle mjekësore të qarta, që shëndeti i tyre të mos jetë objekt improvizimesh që kërcënon jetën e tyre dhe kthehet në biznes për të tjerët.
Duhet miratuar sa më parë nga qeveria rimbursimi i barnave për të sëmurët që trajtohen në banesat e tyre”, tha Meta.
