Nga dje, Shqipëria vendosi orën policore për të frenuar përhapjen e Covid-19.
Nga ora 22:00 e deri në 06:00, ndalohet qarkullimi i njerëzve, i mjeteve në rrugë dhe i aktiviteteve të biznesit.
Por, jo të gjithë kanë respektuar masat anti-covid. Shërbimet e policisë kanë konstatuar 20 lokale, në ambientet e të cilëve kishte muzikë pas orës 20:00 dhe nuk respektoheshin protokollet e sigurisë.
Secili prej administratorëve të këtyre lokaleve është ndëshkuar me masën administrative 1.000.000 lekë.
Ndërkohë, 612 qytetarë që u konstatuan duke lëvizur pa maskat mbrojtëse, u gjobiten me nga 3.000 lekë.
Gjithashtu, 7 shtetas që nuk kanë pranuar t’i tregojnë punonjësve të Policisë dokumentin e identifikimit, të cilët pasi kanë paraqitur dokumentin e identifikimit, janë ndëshkuar me masën administrative 3.000 lekë dhe më pas janë lënë të lirë.
