Këngëtarja e mirënjohur shqiptare, Mihrije Braha, ka rrëfyer në emisionin “E ardhmja është vajzë”, betejën e bashkëshortit të saj, Naimit, me tumorin. Mihrija tha se partneri i saj para 24 vitesh u diagnostikua me tumor, dhe për këtë arsye ju desh t’i nënshtrohej një operacioni të vështirë. Ajo shtoi më tej se para Naimit isha një femër e fortë, e ndërsa një krahë të ngrohtë kishte nënën e bashkëshortit. U deshën 10 ditë lot e vuatje, e më pas morën lajmin se Naimi ishte mirë.
“Në vitin 1996, diku nga fundi i shtatorit pikërisht kur ne mendonim se gjithçka ishte në rregull, Naimi më tha se duhet të shkonte në spital. Nuk e mendova se mund të ishte diçka serioze. Kur ai shkoi tek doktori, i thanë se duhet të bënte një ndërhyrje.
Ishte periudha kur ne po jetonin bashkë me familjen e Naimit. Në këtë rast, po flas si shtylla mbështetëse e njeriut që po vuante. Kur Naimi filloi me anestezinë, i mbeti loti ndër sy dhe nuk mundi të më jepte një porosi të fundit.
Kam vdekur disa herë dhe jam ngjallur brenda sekondave. Afër kisha nënën e Naimit dhe po mbështesnim njëra-tjetrën, për të mirë na njoftuan se ai ia doli dhe ishte mirë nga gjendja shëndetësore.
Kjo ka qenë një nga ngjarjet që asnjëherë nuk e kisha imagjinuar. Ka qenë shumë e vështirë, sepse unë po luaja dy role.
Para Naimit isha një femër e fortë, por kishte edhe momente që unë dobësohesha. Të vështira kanë qenë edhe netët kur më ka kërkuar të kujdesesha për djalin në çfarëdolloj situate. Unë mundohesha të qëndroja e fortë. Pas 10 ditëve na u komunikua nga doktori se tashmë Naimi ishe mirë dhe rezultatet kishin dalë mirë”, ka rrëfyer Mihrija.
