Një tjetër tërmet i fortë ka goditur sërish Republikën e Maqedonisë së Veriut.
Epiqendra e lëkundjeve sizmike ishte pranë zonës Karposh.
Qendra Sizmologjike Evropiane-Mesdhetare, informon se magnituda ishte 4.9 ballë e shkallës Rihter, ndërsa thellësia 10 km.
Tërmeti është ndjerë më shumë në rajonin e Tetovës, Gostivarit, Shkupit, por dhe në Shqipëri e Kosovë.
Ndërkohë, edhe në orët e para të mëngjesit të sotëm, Maqedonia e Veriut u godit nga një tërmet me magnitudë 4.95 ballë i shkallës Rihter dhe me një thellësi prej 10 km, lëkundjet e së cilën u ndjenë edhe në vendin tonë.
