Ministrja e Shëndetësisë, Ogerta Manastirliu ka shpjeguar arsyen e vendimit të Komitetit Teknik të Eskpertëve, për të kufizuar lëvizjen.
Manastirelua tha se mbyllja e bareve dhe restoranteve në fashën orare 22:00-06:00, ka qenë e lidhur me grumbullimet në këto ambjente dhe faktin që këto zona ishin konsideruar me një rrisk të lartë të përhapjes së sëmundjes.
“Komiteti teknik ka bërë vlerësim shumë të imtësishëm të disa parametrave që karakterizojnë situatën epidemike. Prej ditës së mërkurë do të vendosen masat e kufizimit prej orës 22:00 të darkës deri në 6 të mëngjesit. Kjo do të bëhet në të gjithë territorin e vendit. Baret, lokalet restorantet, do të kufizohet aktiviteti i tyre nga ora 22:00 deri në 6 të mëngjesit , do të lejohet vetëm shërbimi delivery. Është vendosur ora 22:00 si një orë që praktikisht kishte të bënte me lëvizshmërinë dhe popullimin në bare dhe restorante. Klubet, baret, restorantet dhe grumbullimet janë vlerësuar si zona ku kishte një rrisk më të madh të përhapjes së virusit”, tha Manastirliu në ‘Opinion’.
Për shkak të rritjes së rasteve me Covid-19, Komiteti Teknik i Ekspertëve mori sot këto vendime:
1. Kufizimi i lëvizjes nga ora 22:00 – 06:00 në të gjithë vendin, me përjashtim të lëvizjes për motive pune, emergjenca shëndetësore apo nevoja të domosdoshme.
2. Ndalohen aktivitetet e bareve – restoranteve nga ora 22:00 – 06:00 (përvec shërbimit delivery).
3. Smart-working për administratën publike (sipas specifikës së sektorit) në zbatim të protokolleve të sigurisë. Përjashtim bëjne strukurat ofruese të shërbimeve duke zbatuar protokollet e sigurisë.
Këto masa do të hyjnë në fuqi më 11 nëntor dhe do të zgjasin për 3 javë.
