Një pjesëtar i kabinetit qeverisës në Britani, ka paralajmëruar se masat e mbylljes mund të zgjasin më gjatë, teksa edhe shtetet e tjera evropiane po aplikojnë masa të reja për të frenuar përhapjen e koronavirusit.
Kryeministri britanik, Boris Johnson tha se shteti i tij do të hyjë në izolim nga 5 nëntorit dhe kjo masë do të zgjasë për një muaj. Qytetarët britanikë do të mund të dalin nga shtëpia vetëm për të blerë gjëra të nevojshme dhe nëse iu duhet trajtimi mjekësor.
Ai tha se këto masa duhej të vendoseshin, pasi Britania kaloi shifrën prej 1 milion të infektuarish me koronavirus.
Britania ka shifrën më të lartë të viktimave nga sëmundja COVID-19 në Evropë, përkatësisht mbi 46,000 viktima dhe së fundmi, çdo ditë ka regjistruar mbi 20,000 raste të reja në ditë.
