Kryetarja e LSI-së, Monika Kryemadhi zhvilloi një takim me qytetarët e Pogradecit.
Gjatë fjalës së saj, Kryemadhi deklaroi se kodi i vjetër i jepte mundësi partive të reja, ndërsa ai i votuar në Kuvend, i eliminon ato.
Sipas Kryemadhit, frika e kryeministrit Edi Rama ka qenë vetë ajo dhe presidenti Ilir Meta, por tani i janë shtuar dhe frikëra të tjetra, si Venecia.
Monika Kryemadhi: ”Kodi zgjedhor është elementi i parë që tregon demokracinë e një vendi. Kur demokracia cenohet, nis me një kod zgjedhor. E keni dëgjuar se thonë që Kodi i ri zgjedhor i jep opozitën 100 mandate. Është e vërtetë. Në qarkun e Korçës kemi marrë 19 mijë e 600 vota. Kodi i vjetër i krijonte mundësi partive të reja, kandidatëve të rinj. Kodi i ri nuk i krijon asnjë lloj mundësie partive të reja, por i eliminon. LSI i jep prioritet që të shumëfishojë rezultatin me vende në Kuvend. Dëgjoja kryeministrin që thotë Luli, Mona, Meta, Luli. Sikur ka një hall të madh me ne. Por deri më sot frika e Edi Ramës ka qenë Meta dhe Monika. Akoma s’ka parë frikërat e tjera që do t’i vijë më parë. Tani i është shtuar frika e Venecias, e arsimit, e mësuesve, e studentëve e pedagogëve’’.
