Një tërmet i fuqishëm në Detin Egje ka tronditur Turqinë dhe Greqinë. Mediat turke kanë shfaqur pamje të rrënojave të një ndërtese shumëkatëshe në Izmirin qendror, dhe njerëz që ngjiteshin në të për të arritur tek ekipet e shpëtimit.
İzmir’deki deprem’de video kaydı sırasında yıkılan bir bina. pic.twitter.com/4YgOdDhau3
— ÇapaMag Ekonomi (@CapaMagEkonomi) October 30, 2020
Organi për Menaxhimin e Fatkeqësive dhe Emergjencave të Turqisë, tha se tërmeti i së premtes kishte një magnitudë 6.6 të shkallës Rihter. Qendra Sizmologjike Evropiane-Mesdhetare tha se tërmeti kishte magnitudë prej 6.9 të shkallës Rihter me një epiqendër 13 kilometra në verilindje të ishullit grek të Samos. Shërbimi Gjeologjik i Shteteve të Bashkuara njoftoi për një fuqi 7.0 shkallës Rihter.
Geçmiş olsun #izmir #deprem pic.twitter.com/mNrFmJLsNO
— aydin etkinlikleri (@aydinetkinlikl1) October 30, 2020
Tërmeti u ndje gjithashtu në të gjithë ishujt lindorë grekë, dhe madje edhe në kryeqytetin e Greqisë, në Athinë. Mediat greke thanë se banorët e Samos dhe ishujve të tjerë u larguan nga shtëpitë e tyre. Nuk ka raportime për të plagosur.
Qindra qytetarë, ushtarë dhe forca zjarrfikësve janë drejtuar për tek godinat e shembura, pasi mendohet se poshtë tyre kanë mbetur të bllokuar qytetarë. Megjithatë deri më tani nuk flitet për të lënduar.
