Azerbajxhani ka akuzuar ushtrinë armene për vrasjen e të paktën 21 civilëve, teksa janë intensifikuar luftimet mbi territorin e shkëputur të Nagorno Karabakut.
Dhjetëra të tjerë raportohen të plagosur në qytetin azerbajxhanas të Barda.
Zëdhënësi presidencial i Azerbajxhanit, Hikmet Hajiyev, tha se forcat armene kishin përdorur municione për të shkaktuar viktima midis civilëve në Barda, në Azerbajxhanin qendror.
Armenia ka mohuar kryerjen e sulmit dhe akuzoi Azerbajxhanin se sulmoi një maternitet në rajon.
Luftimet për rajonin e Nagorno Karabakut shpërthyen më 27 shtator. Territori malor është zyrtarisht pjesë e Azerbajxhanit, por udhëhiqet nga armenët etnikë që kanë mbështetjen e Jerevanit.
