Italia pritet të shtrëngojë më shumë masat për të parandaluar përhapjen e koronavirusit, pas rritjes së shpejtë të numrit të rasteve javët e fundit.
Sipas një dekreti, që ende nuk ka marrë formën finale masat hyjnë në fuqi të 26 tetor dhe do të qëndrojnë deri në 30 nëntor, sipas Il Sole24ore.
Drafti thotë: ”Duke filluar nga 26 Tetori 2020, aktivitetet e shërbimeve të hotelierisë (përfshirë baret, pub-et, restorantet, akulloret, pastiçeritë) pezullohen të dielën dhe festat zyrtare; në ditët e tjera lejohen nga ora 5.00 deri në orën 6.00 pasdite”. “Konsumi i tryezës lejohet për një maksimum prej katër personash për tryezë, përveç nëse ata jetojnë të gjithë së bashku”.
Drafti parashikon që pas orës 6 të ndalohet konsumimi i ushqimit dhe pijeve në vende publike dhe të hapura për publikun, ndërsa furnizimi me ushqim në shtëpi është i lejuar në përputhje me rregullat e higjienës dhe shëndetit. Ushqimi që merret me vete është i lejuar deri në orën 24.00, por nuk mund të konsumohet në vendin ku blihet ose afër.
