E mërkurë, 16 Qershor, 2021
21.5 C
Tirana

Biblioteka Aleksandrisë dhe Rajhshtagu gjerman: Zjarret që ndryshuan historinë

Gjatë historisë, zjarret kanë çuar në ndryshime drastike në modelet e popullsisë, infrastrukturën dhe rrjedhën e ngjarjeve botërore. Këtu janë shtatë zjarre që ndryshuan historinë.

Djegia e Bibliotekës së Madhe të Aleksandrisë

Biblioteka e Aleksandrisë përmbante pasuri të pallogaritshme:Njohuritë mbi botën antike, të ruajtura në gjysmë milioni rrotulla nga Asiria, Greqia, Persia, Egjipti dhe India. Studiues nga e gjithë bota shkonin atje për të studiuar dhe punuar, përfshirë Euklidin dhe Ptolemeun. Biblioteka u ndërtua nën sundimin e Ptolemeut I, një gjeneral i Aleksandrit të Madh dhe themeluesit të Egjiptit Ptolemaik, në vitin 283 Para Krishtit.

Zjarri që e shkatërroi atë mbetet ende sot objekt debatesh. Plutarku pretendon se ai u shkaktua nga Jul Çezari gjatë përpjekjes për pushtimin e qytetit në vitin 48 Para Krishtit. Shumica e studiuesve, besojnë se një degë e bibliotekës mbijetoi në tempullin e Serapeum, por u shkatërrua në vitin 391 Para Krishtit nga Teofili, Peshkopi i Aleksandrisë dhe pasuesit e tij të krishterë, që më vonë ndërtuan aty një kishë.

Zjarri i Madh i Londrës

Ai ra gjatë Murtajës së Zezë, dhe shkatërroi mbi 13.000 shtëpi, duke lënë të pastrehë mbi 100.000 njerëz. Në datat 2- 6 shtator 1666, zjarri zhduku pjesën më të madhe të qytetit mesjetar, dhe dëmtoi ndërtesat e famshme, sikurse është Katedralja e Shën Palit.

Njerëzit u larguan nga shtëpitë me aq sende sa mundën të merrnin. Rindërtimi i Londrës, zgjati mbi 30 vjet. Por plani i ri urbanistik zgjeroi rrugët dhe parashikoi ndërtimin e godinave më të mëdha dhe luksoze. Zjarri i Londrës, krijoi gjithashtu dy industri krejt të reja:atë të sigurimit të pronës dhe brigadat e zjarrfikësve.

Zjarri i Madh i Nju Jorkut

Zjarr i Madh i Nju Jorkut ndodhi në vitin 1835, në mesin e një epidemie të kolerës. Mbrëmjen e ftohtë të 16 dhjetorit 1835, një depo në qendër të qytetit mori flakë. Erërat e forta u përhapën me shpejtësi duke rrafshuar mbi 17 lagje të qytetit. Furnizimi me ujë i qytetit ishte i pamjaftueshëm për frenimin e tij. Gjithsesi pas asaj tragjedie pati shumë inovacione. Ujësjellësi Kroton, i inauguruar në majin e vitit 1837, garantoi 40 milionë litra ujë në ditë, gjë që u garantonte zjarrfikësve atë që u duhej për të luftuar me flakët, dhe ujë të pastër për pronarët e shtëpive dhe bizneseve .

Lexo edhe :   Fakte të çuditshme rreth ngjarjeve të famshme nga historia

Zjarri i Madh i Çikagos

Ai zgjati nga 8 deri më 10 tetor 1871, shkaktoi 300 të vdekur, dhe mbi 90.000 të pastrehë. Një e treta e qytetit u shkatërrua. Por “Rindërtimi i Madh” që ndodhi pas zjarrit e transformoi Çikagon, duke e shndërruar atë në një qendër të re dhe të fuqishme të biznesit. Komunitetit iu dhuruan mbi 10 milion dollarë. Kjo solli një investim të madh të kapitalit në qytet, që kishte një pozitë gjeografik të lakmueshme si një urë lidhëse midis burimeve natyrore të pjesë së brendshme të SHBA-së, Bregut Lindor dhe Evropës.

Lexo edhe :   Fakte të çuditshme rreth ngjarjeve të famshme nga historia

Zjarri në një fabrikë veshjesh në Nju Jork

Ngjarja e rëndë ndodhi më 25 mars 1911. Zjarri vrau 146 punonjës, shumica gra të reja dhe emigrantë, shumë prej të cilëve kishin shkuar në Shtetet e Bashkuara me shpresën e një jete më të mirë. Zjarri bashkoi sindikatat, teksa protestat mbi incidentin, ushtruan presion mbi qeverinë kombëtare që të ndërmerrte veprime për të mbrojtur punëtorët. Ajo ngjarje çoi në miratimin e ligjeve të reja të sigurisë në vendin e punës.

Zjarri që dogji Rajhshtagun gjerman

Zjarrvënësit i vunë flakën Rajhshtagut, selia e parlamentit gjerman, më 27 shkurt 1933. Adolf Hitler, një politikan në rritje, që sapo ishte emëruar Kancelari i Rajhut 1 muaj më parë, i fajësoi komunistët për atë ngjarje. “Zjarri i Rajhshtagut ishte thelbësor për konsolidimin e pushtetit të Hitlerit”- thotë Benxhamin Het, profesor dhe autor i librit “Djegia e Rajhshtagut’. “Ai siguroi një pretekst për një ligj të emergjencës, i njohur jo zyrtarisht si Dekreti i Zjarrit në Rajhshtag – që e rrëzoi kushtetutën demokratike të Vajmarit, dhe i dha fund lirisë së fjalës dhe tubimit, privatësisë së postës dhe lirisë nga arrestimi pa një akuzë konkrete”- tha ai.

Burimi i lajmit: https://www.history.com/news/fires-changes-reform

Përshtatur nga TIRANA TODAY

 

 

- Reklama -

Më shumë nga kategoria




Të fundit

Zgjedhjet për kreun e PD/ Shehaj denoncon: Vëzhguesja ime u dhunua

Agron Shehaj, i cili kandidoi për kreun e Partisë Demokratike, ka denoncuar faktin se vëzhguesja e tij në zgjedhjet e 13 qershorit Enkeleda Çela,...

PD mbledh Kryesinë në 18 qershor, ja çfarë do të diskutohet

Partia Demokratike do të mbledhë Kryesinë në datë 18 qershor. Lajmin e ka bërë të ditur Sekretari i Përgjithshëm, Gazment Bardhi. Mbledhja është parashikuar që...

Avokati zapton pronën në Ksamil dhe kërkon legalizim me dokumente false

Emisioni Stop në Tv Klan ka marrë një denoncim nga Ksamili për një sipërfaqe toke që pretendohet se është përvetësuar pa të drejtë. Sipas denoncimit,...

Kontrollet e RENEA-s/ Hoxha zbulon zonat e “nxehta” në Vlorë dhe Shkodër

Gazetari i njohur investigativ, Artan Hoxha ka dhënë detaje lidhur meaksionet e RENEA-s në dy ditët e fundit në vend, ku ka ushtruar kontrolle...

Denoncimi Fiks Fare/ 1200 euro kalimi në Kapshticë në mënyrë të paligjshme

Bashkimi Europian hap më në fund dyert për turistët shqiptarë, të mbyllura prej më shumë se 1 viti. Ambasadorët e 27 vendeve anëtare të...