Produksioni i emisionit “Përputhen” në Top Channel, dje vendosi të përjashtonte konkurrenten Shqipe Hysenaj nga programacioni, për një afat kohor të papërcaktuar.
Në nisje të emisionit, moderatorja Bora Zemani tha se produksioni i ka kërkuar Shqipes që të kërkojë falje publike për mesazhet jo të duhura të përcjella përmes fjalorit, dhe sjelljes së saj, pasi nuk i shërbejnë audiencës.
Nga ana tjetër, Shqipja ka reaguar përmes një postimi në Instagram. Teksa ka publikuar një foto nga studio e “Përputhen”, Shqipja e ka shoqëruar me përshkrimin: “Çdo gjë ka kohën e vet dhe çdo gjëje i vjen fundi”.
Vendimi për përjashtimin e 28-vjeçares është marrë pasi bullizoi Gracianon, për faktin se është biseksual, dy vajzat, Tean për peshën e saj dhe Anën për flokët.
Lajmi i papritur i përjashtimit të Shqipes nga emisioni i “PërPuthen”, u komentua në studio. Andi e cilësoi si të gabuar përjashtimin e Shqipes nga “PërPuthen”.
Ai gjatë fjalës së tij renditi disa fjalë fyese që pjestarë të emisionit kishin përdorur ndaj saj. Andi theksoi se në studio nuk është vetëm për Shqipen, sepse nëse do të ishte kështu, edhe ai do të largohej bashkë me të.
