Ministri Arben Ahmetaj përmes një ndërhyrjeje telefonike në “Opinion”, ka debatuar ashpër me Sekretarin e Përgjithshëm të PD, Gazment Bardhi për inceneratorët.
Ish-deputeti Enkelejd Alibeaj dhe Bardhi, thanë se Ahmetaj në konflikt interesi ka qenë në makinë me bashkëjetuesin e Stela Gugalla, vajza që ka qenë administratore e inceneratorit të Elbasanit.
Lidhur me këtë argument, Ahemtaj tha: “Jam në makinë, kam qenë dhe do jem në makinë me të paktën 500 biznesmenë. Personi që përmendni nuk është kontraktor dhe unë nuk bëj procedurë. Për më tepër nuk kam qenë ministër kur jam aksidentuar.”
Ndërkohë mes Ahmetajt dhe Bardhit nuk kanë munguar retorikat. Bardhi iu drejtua Ahmetajt me shprehjen: ”Nuk do t’i gëzosh lekët e shqiptarëve”, ndërsa Ahemtaj iu përgjigj: “Pusho se do të nxjerr bojën”!
