Zbardhet dëshmia e shefit të policisë bashkiake të Malësisë së Madhe, Mentor Hasanaj, të cili iu bë atentat ditën e djeshme.
Ai ka thënë se ngjarja nuk ka lidhje me detyrën dhe se nuk ka konflikte me asnjë.
“Kam qenë me familjen time në makinë. Papritur na qëlluan dhe u munduam të shpëtojmë. Pasi të shtënat u ndalën pashë që ishim plagosur unë dhe babai. Nuk e di se cila është arsyeja që na kanë qëlluar. Unë nuk kam asnjë konflikt me askënd dhe as babai im apo familja ime. Unë jam drejtor i policisë bashkiake në Malësinë e Madhe por nuk ka asnjë lidhje kjo sepse nuk kam pasur ndonjë debat apo problem të këtyre kohëve apo edhe më përpara. Kam punuar me shumë korrektësi në punën time duke iu shërbyer të gjithëve. Nuk kam asnjë ide përse na qëlluan”, ka thënë Hasanaj.
Shefit të Policisë Bashkiake në Malësinë e Madhe, Mentor Hasanaj, iu bë atentat në aksin rrugor Shkodër-Koplik, teksa po udhëtonte në automjetin e Bashkisë me të atin dhe bashkëshorten.
Autori, i cili ka ndjekur me një motor tip ‘Papaq’ dhe e ka qëlluar në lëvizje, është ende në kërkim. Policia dyshoon se atentatori mund të jetë me pagesë.
