Trajneri i kombëtares shqiptare, Edi Reja, pas barazimit pa gola ndaj Kazakistanit, bëri të ditur se skuadra e tij meritonte më shumë. Sipas trajnerit, ky nuk ka qenë rezultati i merituar për kuqezinjtë. Ai tha se bënë paraqitje të mirë, por nuk e konkretizuam dot. Reja u shpreh mjaft shpresëdhënës për ndeshjet e tjera. Ndërsa tha se do të përpiqen që të marrim maksimumin në ndeshjet e tjera.
“Patëm rastet tona, por nuk arritëm të shënonim. Bëmë një ndeshje të mirë. Broja dhe Kallaku bënë paraqitje të mira.
Bëmë paraqitje të mirë, por nuk konkretizuam dot. Po të kishim pak më shumë eksperiencë, mund të kishim bërë më mirë. Më vjen keq për Seferin dhe Brojën që mund të kishin shënuar. Duhet ta kuptojmë skuadrën”, ka thënë Reja.
“Nëse nuk shtyjmë shumë nga mesfusha në sulm, do hasim vështirësi në finalizim. Patëm shumë vështirësi, pasi patëm shumë mungesa të rëndësishme. Ishin 10 lojtarë që i njihja shumë pak.
Duhet pasur parasysh paraqitja. Kemi edhe ndeshje të tjera, do të përpiqemi të marrim maksimumin në ndeshjet e tjera”, ka vijuar trajneri italian.
“Grinta nuk blihet në farmaci. Nëse dikush e ka, e ka dhe kaq. Krijuam shumë raste për gol. Ikim nga kjo ndeshje të penalizuar. Lojtarët e rinj duhet të rriten. Na mungoi vetëm konkretizimi. Deri diku jam i kënaqur me paraqitjen e skuadrës”, ka thënë Reja.
