Policia turke ka arrestuar një 27-vjeçare, e cila akuzohet se kishte pajtuar vrasës me pagesë për të eliminuar burrin futbollist.
Yagmur Asik ishte divorcuar nga ish-futbollisti i kombëtares turke, Emre Asik, 46 vjeç, pasi ky i fundit e kishte kapur 27-vjeçaren duke e tradhtuar.
E reja i kërkoi fillimisht dashnorit të saj, Erdi Sungur, të vriste babain e tre fëmijëve, por kur i pari kishte refuzuar ajo kishte kërkuar eliminues me pagesë. Ajo kishte paguar 1 milionë euro për të vrarë ish-bashkëshortin.
“Kam pasur një marrdhënie të fshehtë me Yagmur. Ajo mendonte vetëm të trashëgonte pasurinë e Emre Asık pas vdekjes së tij. Ajo më kërkoi që unë ta vrisja por unë refuzova. Një herë ajo më solli një copë mish, më kërkoi të qëlloja te copa e mishit. Unë tentova të qëlloj por dështova. Ajo bërtiti e zemëruar ‘Ti nuk mund ta bësh’”, tha Sungur për policinë.
Në dokumente thuhet se Yagmur i dha vrasësit armën e madje e ndihmonte për të gjetur mënyrën e eliminimit të trupit.
Sipas raportimeve para se të kryente aktin, vrasësi me pagesë ndryshoi mendje dhe raportoi gjithçka tek futbollisti. Yagmur u martua me Emre në vitin 2012 dhe ka tre fëmijë me të.
