Ish-drejtoresha e përgjithshme e Tatimeve, Brisida Shehaj, aktualisht drejtoreshë informacioni në RTV Ora, ka zbuluar se do të jetë pjesë e LSI, parti sipas së cilës mund ta kandidojë edhe për deputete në zgjedhjet e ardhshme. Në një intervistë për gazetaren Sonila Meço, ajo tha se rilindasit po ‘hanë socialistët’. Po kështu ajo ka shtuar se ka qenë socialiste dhe se mbetet socialiste.
Sonila Meço: Brisida Shehi, përfaqësuese e LSI-së. Je ende drejtoreshë programacioni në RTV Ora, që kuptohet se do ta lësh fushën politike.
Brisida Shehaj: Në një moment të dytë.
Sonila Meço: Kjo nënkupton se do të jesh kandidate e LSI-së?
Brisida Shehaj: Ka një propozim, por që LSI deri në dhjetor do të kalojë në proces zgjedhjesh dhe më pas do të vendosen se cilët do të jenë kandidatët. Unë kam kënaqësinë që jam propozuar, por ende nuk është marrë një vendim.
Sonila Meço: Pse zgjodhe LSI?
Brisida Shehaj: Siç e thotë emri: Lëvizja Socialiste për Integrim. Isha socialiste, jam socialiste…”
Sonila Meço: Pse jo PS, ti njihesh si Brisi i Tatimeve?
Brisida Shehaj: Ndryshimi ky është: jam në një parti ku socialistët mendojnë për socialistët. Aty janë rilindasit që mendojnë të hanë socialistët.
Po shihja pamjet, mjaft që godiste me vezë kryeministrin me thirrjet “Nano ik”. Hall i madh, duhet të ikte Nano të vinin këta. Tani ua kuptoj euforinë.
