Policia e Dibrës ka bërë me dije se ka shkuar në shtatë numri i personave të arrestuar në kuadër të operacionit “Porosia”.
29-vjeçari SH.P. ka qenë bashkëpunëtor i gjashtë të arrestuarve të mëparshëm për shpërndarjen e lëndëve narkotike në Bulqizë dhe në zonat përreth.
‘’Në vijim të hetimeve të kryera nga Sektori për Hetimin e Narkotikëve dhe Trafiqeve të Paligjshme në DVP Dibër, në bashkëpunim me Forcën e Posaçme Operacionale dhe nën drejtimin e Prokurorisë Dibër, gjatë hetimeve në kuadër të operacionit “Porosia” ka rezultuar se shtetasi SH. P., 29 vjeç, banues në Bulqizë, është bashkëpunëtor i 6 shtetasve të tjerë të arrestuar më datë 30 gusht 2020, për veprimtari kriminale në fushën e shpërndarjes së lëndëve narkotike në doza të vogla, në qytetin e Bulqizës dhe zonën përreth’’, informon policia.
Operacioni policor, u finalizua nga DVP Dibër, nën drejtimin e Prokurorisë së Rrethit Gjyqësor Dibër dhe finalizuar 3 javë më parë, në bashkëpunim me Drejtorinë e Forcës së Posaçme Operacionale në Policinë e Shtetit.
Operacioni vijon për kapjen e personave të tjerë të përfshirë.
