Presidenti i Republikës Ilir Meta, ka kujtuar vizitën e Papa Fraçeskut në Shqipëri, 6 vite më parë.
Përmes një postimi në Facebook, kreu i shtetit thekson edhe një herë porositë e Papës, i cili thoshte se shqiponjat nuk e harrojnë folenë, por fluturojnë lart, ndaj duhen mbajtur në atdheun e tyre dhe Shqipëria të shpëtojë nga dimri demografik.
Sipas Metës, duhet të bëjmë bëjmë gjithçka që shqiponjat të qëndrojnë e të kthehen në folenë e tyre dhe Shqipëria të ngrihet lart.
Meta thotë se duhet kthyer shpresa rininë dhe për të gjithë shqiptarët.
Postimi i Presidentit Meta në Facebook
Në 6-vjetorin e vizitës së Tij në Shqipëri, të mos harrojmë porositë e mençuara të Papa Françeskut: “Shqiponjat nuk e harrojnë folenë, por fluturojnë lart. Kam parë kaq shumë të rinj, ndaj ju lutem mbajini ata në Atdheun e tyre dhe Shqipëria të shpëtojë nga dimri demografik”.
Të bëjmë gjithçka që shqiponjat të qëndrojnë e të kthehen në folenë e tyre, dhe Shqipëria të ngrihet lart, atje ku e meritojnë ëndrrat dhe sakrificat e shqiptarëve, si një vend plotësisht demokratik, i respektuar dhe me dinjitet në Europë.
“Duhet bërë gjithçka për të shtuar shpresën për rininë tonë, sepse ‘Ku ka rini, ka shpresë”, – tha Papa Françesku në Tiranë.
Koha nuk pret më!
Të kthejmë shpresën për rininë dhe për të gjithë shqiptarët!
