Bashkëshorti i Suada Sherifit, Eldi Dizdari është vënë në pranga në Dubai. Arrestimi i tij është pjesë e një prej operacioneve ndërkombëtare më të mëdha antidrogë. Dizdari, një personazh i përfolur si i përfshirë në disa ngjarje kriminale, është arrestuar në Dubai gjatë një operacioni ndërkombëtar, ku kanë marrë pjesë policitë e 10 shteteve.
Hetimi për këtë operacion ka nisur 5 vite më parë, dhe konsiderohet si më i madhi kundër një organizate të drejtuar nga shqiptarët. Gjatë aksionit, autoritetet policore kanë sekuestruar rreth 4 ton kokainë dhe më shumë se 5.5 milionë euro cash.
Kohë më parë u përfol edhe jeta e re e ish-Miss Shqipërisë e cila kishte lënë vendin. Suada Sherifi ishte shpërngulur drejt Dubait, për të jetuar me bashkëshortin dhe vajzën e saj.
Pas ardhjes në jetë të vajzës së saj Deizi, Suada vendosi të investonte në një qendër estetike në Tiranë. Por jeta e saj ndryshoi totalisht, kur bashkëshorti u shpall në kërkim, dhe Suada mbylli rrjetet sociale dhe në qendrën estetike u shfaq më rrallë.
Suada Sherifi është një ndër emrat më të njohur në “show bizz”-in shqiptar. Ish-Missi prej vitesh ka një marrëdhënie me Eldi Dizdarin. Në media ajo deklaroi se ishte martuar, por gjithçka e kishte mbajtur të fshehtë.
Në rrjetet sociale, ajo tregonte për dhuratat e luksit që ai i bënte, për pushimet në vendet e mrekullueshme ku të dy shkonin, por rrallë e ekspozonte partnerin.
Pas lindjes, modelja u angazhua edhe me biznes. Pak muaj më parë u përfol në media se Suada jetonte në Dubai.
