Pak ditë më parë, deputetja Rudina Hajdari zbuloi se i është bashkuar Nismës Thurje. Ajo i është bashkuar Nismës Thurje, për të filluar një lëvizje të re politike. Sipas Hajdarit, lëvizja e re politike konsiston në një projekt të ri së bashku me qytetarë, intelektualë, studentë dhe personazhe nga diaspora. Mësohet se kjo parti do të quhet ‘Nisma’.
Nisma Thurje ka publikuar së fundmi një video të pedagogut të njohur Rezart Prifti, i cili shpall bashkimin me grupimin e ri politik, duke thënë se emri i Lëvizjes Politike do të ishte “Nisma”.
“Rezart Prifti nuk është vetëm një pedagog i ri, i talentuar, por edhe një aktivist me profil të lartë, i angazhuar për një kohë të gjatë në kauza publike. Gjatë protestës studentore, Rezarti i dha zemër mijëra studentëve për të vazhduar revoltën deri në arritjen e kërkesave.
Sot Rezi, duke u bashkuar me të tjerë të ngjashëm, ka një thirrje për të gjithë shoqërinë.
Dëgjoje dhe nëse e gjen veten shpërndaje! #Bashkohemi”, shkruan Nisma Thurje.
