Një 32-vjeçar shqiptar me banim në Gjermani është dënuar me burgim të përjetshëm, pasi i mori jetën gruas për xhelozi. Gjykata e Qarkut Landau ka dënuar me burgim të përjetshëm një shqiptar të Kosovës.
Ai kishte frikë prej ndarjes nga partnerja e tij dhe fëmijët. Shqiptari është dënuar pasi i ka marrë jetën bashkëshortes, ndërsa ajo ndodhej në ulësen e pasme të makinës së tij, me tri të shtëna.
Astrit R., ka qëlluar Fitore R., 33-vjeçe, nëna e fëmijëve të tij 7 dhe 9 vjeç, ndërsa po drejtonte makinën me shpejtësi të lartë.
Policia e gjeti viktimën në muajin shkurt, me rastin e një kontrolli të trafikut të bërë në rrethin e Germersheim-it. Kosovari në atë moment kishte dalë nga makina, me armë në dorë.
