Nga Klodian Tomorri
Mesi desh i dha duart Barcelonës, por ndërroi mendje rrugës. Milani bleu Sandro Tonalin. Juvja i dha duart Sarrit për Pirlon. Bayerni lëshoi Perisicin, ndërsa Interi i dha lamtumiren Diego Godinit dhe pret Vidalin. Merkatoja e futbollit sapo ka filluar. Por shtatori këtë vit është i nxehtë edhe në politikë.
Edi Rama i dha duart Besa Shahinit dhe Sandër Lleshajt njëkohësisht duke ngjallur sërish shpresat e Taulantit se më në fund do të ketë një vend në formacionin bazë.
Në kampin opozitar, Fatmir Mehdiu i kërkoi rritje rroge Lulëzim Bashës, me justifikimin se Rama i ka ofruar rrogë më të lartë dhe një vend si titullar në formacion.
Ilir Meta, po paralajmëron se do t’i japë duart Presidencës për t’i zgjatur ato tek Kryeministria ose Ministria e Brendshme, sipas rastit.
Ndërkohë Nisma Thurje, mori me parametër zero Rudina Hajdarin dhe Mirush Kabashin, ndërsa Myslim Murrizi i ka bërë ofertë për dy sezone Jozefina Topallit në formë huazimi.
Pse rrogat rriten në letra, por varfëria rritet në realitet?
