Mbrëmjen e djeshme, një sherr i çastit i ka marrë jetën një 64-vjeçari në Peqin. Sherri ka nisur për motive të dobëta mes viktimës dhe një 51-vjeçari, duke bërë që autori të marrë një gurë dhe të godasë 64-vjeçarin SH.H.
Ky i fundit, si pasojë e plagëve të marra, ka ndërruar jetë sapo ka mbërritur në Spitalin Rajonal të Elbasanit.
Ndërkohë, policia ka arrestuar autorin e ngjarjes së rëndë, me inicialet S.Ç. Mbi 51-vjeçarin rëndon vepra penale “Vrasje me dashje”.
Njoftimi i policisë:
Specialistët për Hetimin e Krimit në Komisariatin e Policisë Peqin, arrestuan në flagrancë shtetasin: S.Ç., 51 vjeç, banues në fshatin Lolaj, Peqin.
Arrestimi i tij u bë pasi më datë 10.09.2020, rreth orës 23:30 , në fshatin Lolaj, Peqin, gjatë një konflikti të çastit për motive të dobëta shtetasi S.Ç ka goditur me mjet të fortë (gurë), shtetasin Sh.H., 64 vjeç, banues në fshatin Lolaj, Peqin, i cili si pasojë e plagëve të marra ka ndërruar jetë sapo ka mbërritur në Spitalin Rajonal të Elbasanit.
Matrialet hetimore i kaluan Prokurorisë pranë Gjykatës së Shkallës Parë Elbasan, për veprën penale, “Vrasje me dashje”.
