Gazetarja Anila Hoxha ka treguar tjera detaje lidhur me ngjarjen e vitit 2012, ku babë e bir vranë 23-vjeçaren, Eglantina Buci.
E ftuar në emisionin “Open”, gazetarja tha se ka qenë e ëma ajo që që ka pranuar të japë ADN, për të identifikuar kufomën e gjetur në Malin me Gropa.
Sipas saj, mamaja e 23-vjeçares ishte kthyer në shtëpinë e saj të vajzërisë në fshatin Laknas dhe me të bijën kishte pasur kontakte vetëm kur ishte larguar nga shtëpia e të atit.
“Nafia jeton në Laknas dhe janë marrë të dhënat e dhëmballës së eshtrave të gjetura në vitin 2012 për t’i krahasuar me të sajat. I penduari ka qenë bashkëpunëtor në një krim tjetër me Shkëlzën Bucin. Është kuptuar nëpërmjet përgjimeve se ka qenë dëshmitar i një vrasjeje. Dy shokët u paguan për vrasjen e aktorit Prela. Eglantina fillimisht fshihej tek xhaxhai. Por ka qëndruar 2 net edhe tek e ëma. Kjo është ndarë me Faiku Bucin dhe Eglantinën e ka lënë 6 muajsh. Mesa duket i ati nuk i linte të kishin kontakte”, tha ajo.
