Italia ka regjistruar një rritje të rasteve të reja me koronavirus, në krahasim me bilancin e një dite më parë.
Gjatë 24 orëve të fundit, në vendin fqinj janë regjistruar 1.370 raste të reja, 263 më shumë se dje. Kështu shkon në 280.153 numri total i rasteve pozitive me Covid-19 në Itali.
Ndërkohë, numri i viktimave ka qenë më i ulët sot. Sipas Worldometers, në 24 orët e fundit në Itali janë shënuar 10 të vdekur, ndërsa dje u regjistruan 12.
Që prej shpërthimit të pandemisë, në Itali kanë humbur jetën mbi 35 mijë persona nga koronavirusi.
Më shumë se 27 milionë njerëz nga e gjithë bota janë prekur nga Covid-19, ndërsa rreth 900 mijë persona kanë humbur jetën.
