Deputeti Kujtim Gjuzi, ka reaguar lidhur me deklaratat e bëra në parlamentin grek, se Greqia do të zgjerohet me 12 milje në detin Jon.
Gjatë mbledhjes së Komisionit të Veprimtarive Prodhuese, Gjuzi tha se kryeministri grek duhet të tërhiqet nga deklarata e tij për detin, pasi në të kundërt nëse vjen në Shqipëri, do të përballet me konservatorët që do të krijojnë trazira.
“10 janë deputetët opozitarë në parlament pjesa tjetër janë të kontrolluar nga Edi Rama. Zona Ekonomike te ishulli Othonoi që kërkohet nga kryeministri grek, Mitsotakis i riu. Ne i themi macja e Taqos se është nga Himara ai. Nëse nuk tërheq deklaratën nuk do ketë shanse të hyjë në Shqipëri. Nuk është i mirëpritur nga konservatorët, do dalim para të krijojmë incidente e trazira. Nëse nuk tërheq deklaratën që ka bërë”, tha ai.
