Një 36-vjeçar i identifikuar me inicialet E.L., ka rënë në prangat e policisë, pasi përndiqte një 30-vjeçare. Agresori ka ushtruar dhunë dhe ka plagosur me thikë të renë. Ngjarja ka ndodhur te stacioni i autobusëve Vorë-Tiranë.
36-vjeçari pasi e ka përndjekur për një kohë të gjatë, ka ushtruar dhunë fizike duke e goditur me një mjet prerës (thikë) shtetasen B. B., 30-vjeçe. Kjo e fundit, pas marrjes së mjekimit është larguar për në banesë.
Njoftimi
Arrestohen në flagrancë 5 shtetas, njëri prej tyre i shpallur në kërkim. Specialistët për Hetimin e Krimit në Komisariatin e Policisë Vorë bënë arrestimin në flagrancë të shtetasit E. L., 36 vjeç, pasi tek stacioni i autobusëve Vorë-Tiranë, pasi e ka përndjekur për një kohë të gjatë, ka ushtruar dhunë fizike duke e goditur me një mjet prerës (thikë) shtetasen B. B., 30 vjeçe, e cila pas marrjes së mjekimit u largua për në banesë.
