Kosova dhe Serbia kanë nënshkruar pak më parë marrëveshjen në Shtëpinë e Bardhë. Gjatë këtij momenti ka qenë i pranishëm edhe presidenti i SHBA-ve, Donald Trump.
Marrëveshja është kryesisht për tema ekonomike, teksa dje Serbia refuzoi njohjen reciproke. Madje Vuçiç tha se SHBA u tërhoq nga pika 10. Ndërsa pikat e tjera janë kryesisht tema ekonomike. Flitet për projekte të përbashkëta 13 miliardë euro.
Një tjetër pikë e rëndësishme është Liqeni i Ujmanit, për të cilën Haradinaj tha se nëse përfshihet në marrëveshje, atëherë do të tërhiqet nga qeveria e Kosovës.
