Politikani shqiptar në Mal të Zi, Dritan Abazoviç, ka kërkuar falje publike për deklaratën e bërë më parë se nëna dhe babai i Skënderbeut ishin serbë.
“Unë kam gabuar që kam thënë së prindërit e Skënderbeut janë serb, ishte një lapsus dhe kërkoi falje publike dhe jam krenar që jam shqiptar”, tha ai gjatë një interviste.
Sipas Abazoviç, ai nuk ka thënë se familja e Skënderbeut ishte serbe dhe se do ta dëshironte një bust të tijin në Ulqin.
Nëpër portale të ndryshme po qarkullon një intervistë e vitit të kaluar ku Abazoviç ka folur për figurën e Skënderbeut. Kryesisht kjo intervistë ka dalë në kontekst negativ, pasi thuhet se ai ka deklaruar se prindërit e Skënderbut janë serbë dhe se ai është kundër vendosjes së përmendores.
