Kreu i qeverisë, aktualisht po zhvillon një takim online me drejtuesit e Drejtorive Rajonale dhe zyrave arsimore vendore, rreth procesit mësimor. Kryeministri tha se janë të shqetësuar për një nivel maksimal performance, të gjithë zinxhirit të shkollave. Në çdo shkollë duhet të zbatohen rregullat, e ndërsa mësimi do të jetë i kombinuar në klasë dhe online.
“Duke parë edhe çfarë ndodh nëpër botë, dhe duke analizuar dhe numrat, jemi të shqetësuar për një nivel maksimal performance të gjithë zinxhirit të shkollave.
Ministria e Arsimit ka kryer punë të thelluar dhe ka vënë një udhëzues të detajuar përtej çfarë është studiuar, duke analizuar me përgjegjshmëri.
Suksesi në zbatimin e tij lidhet me dyfishimin e skuadrave tuaja. Duhet ta bëni natën-ditë pa u lodhur, me pa pushim dhe të jeni në krye të detyrës në terren, për të ndjekur zbatimin e udhëzuesit. Këtu nuk është çështja për të kryer një detyrë shtetëore, por për të qënë në lartësinë e një humanizmi të spikatur të gjithë ju”.
Rama u shpreh se fëmijët nuk janë imunë ndaj virusit, ndaj duhet patur shumë kujdes në respektimin e masave, ndërsa ky vit është viti më i vështirë shkollor.
Sa i takon kryerjes së mësimit, Rama tha se në klasa nuk do të ketë më shumë se 20 nxënës, ndërsa mësimi do të bëhet deri në 3 turne në shkollat me shumë nxënës dhe do zgjasë rreth 30 minuta.
