Filantropi i njohur, Bill Gates, ka bërë një tjetër parashikim të frikshëm, sa i përket pandemisë së koronavirusit.
Në një intervistë për “The Economist”, Gates tha se miliona njerëz do të vdesin përpara se pandemisë t’i vijë fundi. Aktualisht, mbi 787 mijë persona nga e gjithë bota kanë humbur jetën nga ky virus.
“Shumica e vdekjeve do të shkaktohen jo nga pandemia në vetvete, por nga sforcimi i sistemit shëndetësor, në vendet me ekonomi të dobët. Gati 90% e vdekjeve do të shkaktohen jo drejtpërdrejtë nga koronavirusi”, tha ai.
Ai thotë se deri në fund të vitit 2021 mund të kemi krijimin e një vaksine të sigurt dhe imunizimin e pjesës më të madhe të popullsisë botërore
“Nga fundi i vitit 2021, një vaksinë mjaftueshëm efektive mund të jetë e përdorshme masivisht. Një pjesë e madhe e popullsisë globale do të mund të imunizohet për të ndërprerë përparimin e pandemisë”, shtoi ai.
Sipas Bill Gates, vendet nga e gjithë bota duhet të shpenzojnë miliarda për krijimin e vaksinës, për të kursyer triliarda në dëmet ekonomike që ajo mund të shkaktojë.
