Operacioni Forca e Ligjit ka zbarkuar sot në Kukës dhe Tiranë, ku i ka dërguar kërkesat me shkrim për vetëdeklarimin e burimeve të pasurisë tre të dënuarve.
OFL i ka dorëzuar formularin shtetasve:
Artur Guri, banues në Tiranë, i dënuar në Turqi për veprën penale “Eksportimi i drogave”, parashikuar nga legjislacioni penal i Turqisë;
Elton Andreica (Muça), banues në Tiranë, i dënuar për veprën penale “Vjedhja me armë”;
Dylber Ademi, banues në Kukës, i dënuar për veprën penale “Trafikimi i Narkotikëve”.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
