Forcat komando greke janë fotografuar duke kryer stërvitje me armatim të vërtetë, në fshatrat e banuara prej minoritetit turk në zonën e Ksanthit, në Greqinë Lindore
Mediat lokale të zonës të cilat kanë publikuar fotot, e kanë cilësuar këtë një kërcënim të drejtpërdrejt nga Greqia ndaj minoritetit turk për shkak të asaj që po ndodh në Egjeun Lindor.
Kreu i bashkisë Mustafçova, në rajonin e Ksanthit në Greqi, Ridvan Delihusein u shpreh se situata ishte e pakuptimtë dhe se ata nuk ishin njoftuar për një stërvitje të këtyre përmasave, raporton edhe “YeniSafak”.
“Ndjehemi të kërcënuar. Nuk është normale që kaq shumë forca të armatosura të shihen nëpër fshat pa u njoftuar më parë për çfarë po ndodh. Banorët janë shumë të shqetësuar”, u shpreh ai.
Veprimi në fjalë nuk shihet krejtësisht i paqëllimte nga Ankaraja, pasi duket sipas turqve se grekët janë duke kërcënuar minoritetin turk në Greqi si një formë për të kompensuar tensionin në Egjeun Lindor.
