Në Kakavijë është krijuar një situatë kaotike për shkak të radhëve të gjata të qytetarëve shqiptarë që janë në pritje për të kaluar në Greqi.
Ndërkohë, dy të moshuar janë nisur drejt spitalit për shkak të gjendjes së rënduar shëndetësore.
Situata e rënduar vijon prej dy ditësh tashmë në pikën kufitare të Kakavijës, ku mijëra qytetarë janë të detyruar që të presin në radhë për të kaluar në vendin fqinj Greqi.
Burime nga Ministria e Jashtme bëjnë me dije se vonesat nuk shkaktohen nga policia, por prej autoriteteve shëndetësore. Pala greke po punon me kapacitete të cilat nuk e përballojnë dot situatën, por kanë premtuar se do t’i shtojnë ato në orët në vijim.
Ndërkaq, në Pikën e Kalimit Kufitar Kakavijë, ka fluks të shtuar dhe qytetarët janë detyruar të presin me orë në radhë, si pasojë lëvizja po ecën shumë ngadalë, pasi nga ana e autoriteteve greke po kryen testimeve masive.
