Drejtori rajonal për Evropën i OBSH-së, , shprehet i shqetësuar për numrin gjithnjë e më të madh të infektimit të rinjve me koronavirus.
“Ajo që ndryshon tani, ndonëse pa provë përfundimtare shkencore, është se po pranojmë raporte nga autoritetet civile dhe shëndetësore rreth një përqindjeje më të lartë të infektimeve tek të rinjtë”, tha ai.
Organizata Botërore e Shëndetësisë nuk ka veçuar ndonjë shtet, por ka përmendur disa shembuj.
Në Suedi, ka pasur rritje dramatike të rasteve tek ata nën moshën 49 vjeç. Që prej qershorit, numri i këtyre rasteve ka pësuar rënie, por grupmosha 20-29 aktualisht ka më shumë raste në 100.000 banorë, sesa ndonjë grupmoshë tjetër në këtë shtet.
Në Irlandë, deri më 28 korrik, pothuajse 60 për qind e të gjitha rasteve të konfirmuara me COVID-19 kanë ndodhur tek personat nën moshën 45-vjeçare.
Në Izrael, përhapja e para disa koheve e rasteve është lidhur me shkollat. Në shifrat më të reja, rreth një e pesta e rasteve kanë ndodhur tek personat e moshës 10 deri më 19 vjet dhe një e pesta në grupmoshën 20-29 vjet.
Më shumë se 17 milionë njerëz nga e gjithë bota janë prekur nga koronavirusi, ndërsa mbi 666 mijë persona kanë humbur jetën.
