Gjermania ka vendosur të ofrojë teste falas për koronavirus, për të gjithë ata që kthehen në të gjitha aeroportet gjermane.
Sipas Ministrisë gjermane të Shëndetësisë, kjo masë është marrë në përpjekje për të parandaluar rritjen e numrit të rasteve për shkak të udhëtimeve gjatë muajve të verës.
“Scheengenvisainfo” raporton se testimi fillimisht nuk do të jetë i obligueshëm dhe se shteti do t’i mbulojë shpenzimet për të gjitha rastet.
“Ata që kthehen nga vendet me rrezikshmëri të lartë duhet të testohen dhe ata që kthehen nga vendet pa rrezik gjithashtu do ta kenë mundësinë”, tha ministrja rajonale e Shëndetësisë në Berlin, Dilek Kalayci,
Sipas saj, personat që kthehen nga vendet pa rrezik nuk do të testohen në aeroporte, por do të marrin test falas nga autoritetet shëndetësore lokale.
Qendrat e testimit do të vendosen në të gjitha aeroportet, ndërsa personat që që nuk dëshirojnë të testohen ose ata që dalin pozitivë në testin për koronavirus do të jenë të detyruar të qëndrojnë në karantinë për 14 ditë.
