Sikur të mos mjaftonte situata e vështirë e krijuar nga pandemia e koronavirusit, SHBA po përballet tashmë edhe me stuhi të fuqishme.
Teksasi është goditur së fundmi nga uragani Hanna, i cili ka shkaktuar mjaft dëme materiale. Zyrtarët paralajmëruan qytetarët për stuhi të rrezikshme për jetën, erëra të forta dhe rrebeshe shiu.
Guvernatori Greg Abbott lëshoi një deklaratë për katastrofën për 32 qarqe, duke thënë se pandemia e koronavirusit do të ndërlikojë punën e ekipeve të emergjencës.
Sipas mediave të huaja, uragani goditi fillimisht ishullin Padre ditën e djeshme, ndërsa tani po lëviz në zonën mes Corpus Christi dhe Brownsville.
Uragani Hanna është cilësuar si i kategorisë së parë, me erëra që kapin shpejtësi deri në 145 km/orë.
