Këngëtari shqiptar përfundon në spital

Ramadan Krasniqi (Dani) është këngëtar shumë i njohur. Ai njofton fansat e tij se është shtruar në spital, pasi ka realizuar një ndërhyrje në zemër.

Në një postim në Facebook, Dani ka treguar se pas një çrregullimi, mjekët i kanë sugjeruar që të kryente një ndërhyrje, e cila ka rezultuar me sukses.

Nga nesër pritet që ti rikthehet aktiviteteve të tij të përditshme. Këngëtari është i ndërgjegjshëm për atë që e pret, dhe thotë se duhet të bëjë më shumë aktivitet fizik, në një kohë që nuk duhet të konsumojë as alkool dhe as duhan.

Statusi

Miq, dashamirë dhe adhurues të respektuar të këngës time,

Pas disa aktiviteteve të mia rekreative e sportive, të cilat unë i kam të përditshme dhe i aplikojë ndër vite, gjatë dy ditëve të fundit kam ndjerë disa shqetësime shëndetësore, e të cilat në dijen time ishin të vogla dhe pak të vërejtshme.

Megjithatë pas kësaj i jam nënshtruar një kontrolli shëndetësorë. Mjekët kanë gjetur një çrregullim zemre për të cilin menduan se duhet trajtim.

Unë jam i prirë që në çdo aspekt jetësorë të dëgjoj profesionistët e lëmisë, ndaj dhe ju nënshtrova aplikimit të stentimit. Çdo gjë u krye me sukses brenda pak minutash! Po ndjehem shumë mirë, nesër pritet ti kthehem përditshmërisë dhe noramlitetit jetësorë!
Megjithatë sipas mjekëve, edhe në këtë rast përparësitë e mia sërish dolën të jenë;

Aktiviteti sportiv në natyrë, ndajë bëjeni!
Mos pirja e duhanit – mos e pini kurrë!
Mos pirja e alkolit, – mos e pini kurrë!
Falënderimi i takon Zotit për çdo gjë!

Respekt të pafund për interesimin tuaj, jua kthefsha në të mira.
Dani