Kryeministri Edi Rama ka bërë publike pamjet nga një tjetër rikonstruksion. Me anë të disa fotove, ai tregon Drejtorinë e Shërbimeve të Transportit rrugor në Berat, ku për pak kohë hapet kantieri i godinës së re.
Duke hedhur kunja ndaj palës kundërshtare, kreu i qeverisë thotë se shumë është bërë, por edhe më shumë do të bëhet, duke konkretizuar premtimet e dhëna.
Ndër të tjera, Rama vë në dukje se Shqipëria nuk ka të krahasuar me dje në asnjë aspekt.
Statusi
? Kjo është Drejtoria e Shërbimeve të Transportit rrugor në Berat, ku për pak kohë hapet kantieri i godinës së re, pasi janë kryer të gjitha procedurat nga projektimi tek prokurimi. E postoj këtu si një nga mijëra shembujt që duhet t’u kujtojnë disave se çfarë shtëpie me rraqe të vjetra, pisllëk e rrënim trashëguam 7 vjet më parë dhe se sa shumë gjëra kemi bërë, po bëjmë e duhet të bëjmë akoma, për ta sjellë të gjithën në terezi! I kuptoj shumë mirë padurimin, harresën po edhe kritikat e drejta për shumëçka duhet bërë edhe më mirë, edhe më shpejt, por një gjë nuk do të lodhem së nënvizuari:
Sot shtëpia jonë e përbashkët s’ka të krahasuar me dje, në asnjë aspekt dhe fakti që ne e dimë shumë mirë jo vetëm çfarë, po edhe si duhet bërë më tej, tregon se JO, NUK JEMI TË GJITHË NJËSOJ!
? Se po të ishim njësoj, do ishte njësoj edhe shërbimi i transportit rrugor shqiptar, ku qindramijëra njerëz kanë pasur nevojën të ndalen për letrat e automjeteve të tyre dhe kanë mundësinë të bëjnë krahasimin, mes tmerrit të deridjeshëm në llumin e zullumin e këtij shërbimi publik, e transformimit shembullor që vazhdon sot.
*projekti bashkëlidhur, që shumë shpejt do të pasohet nga rindërtimi me themel i selisë qendrore të DPSHTRRSH-së, nuk është thjesht një godinë e bukur, po një nyje teknologjike shërbimi të standarteve europiane, në rrjetin e institucionit kampion të #RevolucionitDigjital?? ku qytetaret drejtues të automjeteve shërbehen pa zvarritjet e bakshishet e majme, që e bënin deri dje kampion të korrupsionit këtë institucion…
