Një aksident me pasojë plagosjen e katër personave ka ndodhur mëngjesin e sotëm, në rrugën dytësore të autostradës Tiranë-Durrës. Në aksident janë përfshirë dy mjete, ku kanë mbetur të plagosur katër pasagjerët, ndërkohë që shoferët nuk janë lënduar. Të plagosurit aktualisht ndodhen nën kujdesin e mjekëve, jashtë rrezikut për jetën.
“Më datë 23.07.202, rreth orës 07:20, në rrugën dytësore Tiranë- Durrës, janë përfshirë në aksident mjeti me drejtues P.P., me mjetin me drejtues J.P., dhe për pasojë janë dëmtuar pasagjerët D.M.,21 vjeçe, E.B., 33 vjeçe, L.M.,21 vjeçe dhe L.D., 42 vjeçe, të cilat u dërguan në spital, dhe ndodhen jashtë rrezikut për jetën.
Grupi hetimor dhe shërbimet e Policisë ndodhen në vendngjarje, dhe vijon puna për zbardhjen e rrethanave të ngjarjes”.
