Koreja e Veriut duket se është zhytur në një krizë të thellë ekonomike, si pasojë e pandemisë së koronavirusit.
Mbyllja e kufijve nga pandemia ka shtuar varfërinë e njerëzve në shtetin që është goditur ashpër edhe nga sanksionet e OKB gjatë viteve të fundit. Kjo e fundit për shkak të ambicies së Kim Jong Un për armë bërthamore.
Sipas mediave të huaja, autoritetet vendase i kanë rekomanduar qytetarëve që të hanë breshka, duke theksuar se kanë një shije të mirë dhe janë shumë ushqyese.
“Që në kohët e vjetra, breshkat janë përdorur për gatim pasi kanë shije të mirë dhe janë shumë ushqyese. Breshka ka proteina, aminoacide dhe vitamina që kurojnë hepatitin, tensionin e lartë dhe sëmundje të tjera. Veçanërisht, gjaku i breshkës është efikas ndaj diabetit dhe forcon imunitetin e fëmijëve”, lexohet në faqen zyrtare të qeverisë.
