Kryeministri britanik, Boris Johnson, është shprehur se tifozët britanikë mund të kthehen në stadiume, duke filluar nga muaji tetor.
Gjatë një konference për shtyp, Johnson tha se ekziston një shans i mirë që gjithçka të kthehet në normalitet brenda disa muajve.
“Qeveria do të marrë përsipër të garantojë sigurinë maksimale përmes testeve të tamponëve që do të kryhen para fillimit të sezonit të ri”, tha ai.
Duket se tifozët anglezë do të duhet të presin edhe pak, përpara se të kthehen të këndojnë, konsumojnë birra dhe të festojnë në stadiume.
