Çdo shtet ka marrë masat drastike, në lidhje me izolimin e rasteve të infektuar, e po kështu bllokimin e kufijve që situata të mos agravohet më shumë.
Italia do të vijojë të jetë e mbyllur për shqiptarët deri në fund të korrikut, e ndërsa sot pritet të aprovohet dekreti. RTV ORA ka zbardhur dekretin e ri që do të miratohet mbrëmjen e sotme në Parlamentin italian. Italia pritet të aprovoj masat e reja anti-Covid të vlefshme nga 15 korriku deri më 31 korrik 2020.
Ministri i Shëndetësisë, Roberto Speranza, ka prezantuar dekretin e ri, i cili pritet të aprovohet sot në Parlament. Në fjalën e tij në dhomën e deputetëve, ministri Speranza prezantoi dekretin e ri, i cili parashikon ndalimin e hyrjes në Itali të personave jashtë zonës së Bashkimit Evropian.
Ata që udhëtojnë për motive pune e shëndeti, kanë të detyruar zbatimit e karantinimit për 14 ditë. Po kështu do të ndalohet hyrja në territorin italian të personave që gjatë 14 ditëve te fundit kanë udhëtuar e tranzituar në këto 13 vende: Armenia, Bahrein, Bangladesh, Brasile, Bosnia Herzegovina, Cile, Kuwait, Macedonia e Veriut, Moldova, Oman, Panama, Perù, Repubblica Dominicana.
Në vendin tonë, gjatë 24 orëve të fundit janë kryer 451 testime për të dyshuar të prekur me COVID-19, nga të cilat janë konfirmuar 96 raste pozitive. Aktualisht janë 1508 persona aktivë me COVID-19, kryesisht në Tiranë, Shkodër, Krujë, Durrës.
