Gjashtë lojtarë të ekipit serb të futbollit, Crvena Zvezda të Beogradit janë konfirmuar pozitiv me koronavirus.
Lajmin e ka bërë të ditur vetë klubi, i cili njofton se lojtarët do të kalojnë dy javët e ardhshme në karantinë dhe nuk do të marrin pjesë në fazën parapërgatitore të ekipit.
Muajin e kaluar, 5 lojtarë të tjerë të këtij ekipi rezultuan të infektuar me koronavirus, vetëm pak ditë pasi festuan fitoren e titullit të tyre para një turme prej 18,000 personash.
Situata prej pandemisë vijon të jetë e rëndë në Serbi, ku ditën e djeshme vendi regjistroi bilancin më tragjik, prej 18 viktimash.
Prej ditësh tashmë në Serbi vijojnë protestat e dhunshme që kundërshtojnë masat e marra nga qeveria për frenimin e koronavirusit.
